$ 444.32 € 473.33 ₽ 4.76
23 наурызда Қазақстанның астанасы мен Ақмола облысын қарлы боран басты. Қаладағы жолдар да, аулалар да, облыстық маңызы бар автомобиль жолдары да қар астында қалды, кейбіреулерін жабуға тура келді, деп жазады stan.kz порталы.
Астана тұрғындары әлеуметтік желілерде бүгінгі ауа райының видеосын бөлісуде.
Бейнежазбадан қатты дауылдың салдарынан тұрғын үйлердің барлық жолдары мен аулаларын қар басып қалғанын көруге болады.
«Қазгидромет» РМК баспасөз қызметінің мәліметінше, бүгін қалада жаңбыр мен қар түріндегі жауын-шашын байқалады.
Солтүстік-шығысқа және солтүстік-батысқа қарай бағытта жел соғады, оның жылдамдығы 9-14 м/с, екпіні 15-20 м/с дейін жетеді. Ауа температурасы нөлден төмен түсіп, түнге қарай төмендей береді.
