Жаңалықтар 27.03.2021 сағат 21:51

Қызылордада үш жасөспірім қыз екі күннен бері іздестірілуде

Жасөспірім қыздар 25 наурызда түнгі уақыт 02.00 шамасында белгісіз бағытқа шығып кетіп, содан қайта оралмаған.
Қызылордада үш жасөспірім қыз екі күннен бері іздестірілуде
Фото: inform. kz
Бөлісу
Бөлісу
Бөлісу

Қызылорда қаласындағы отбасы үлгісіндегі «Атамекен балалар ауылы» үйінде тәрбиеленіп жатқан үш жасөспірім қыз екі күннен бері табылмай жатыр, деп хабарлайды ҚазАқпарат.

Қызылорда қалалық полиция басқармасының мәліметінше, 15-16 жастағы үш жасөспірім — Ділда Мұсабекқызы Нұгманова, Любовь Несторова және Рано Сабанкулова Қызылорда қаласындағы «отбасы үлгісіндегі Атамекен балалар ауылында» тәрбиеленеді.

Жасөспірім қыздар 25 наурызда түнгі уақыт 02.00 шамасында белгісіз бағытқа шығып кетіп, содан қайта оралмаған. Қазіргі таңда қалалық полиция басқармасының жеке құрамы кәмелетке толмаған үш жасөспірімді іздеп табу мақсатында іздестіру жұмыстарын жүргізуде.

«Осы мақсатта облыс орталығындағы көпқабатты үйлердің шатырлары, саяжайлар, тастанды үйлер мен құрылысы бітпеген ғимараттар, ойын-сауық орталықтары мен жалдамалы пәтерлер тексерілуде. Олардың фотосуреттері көрсетіліп, сұрастыру жұмыстары жүргізілуде. Бұл жұмыстар облыстық полиция департаменті бастығының бақылауында. Үш жасөспірім қыз жөнінде қандай да бір ақпарат анықталған жағдайда Қызылорда қалалық Полиция басқармасының кезекші бөлімінің 29-75-20 телефонына немесе 102 арнасына шұғыл түрде хабарласуларыңызды сұраймыз», - деп мәлім етті Қызылорда қалалық полиция басқармасынан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар