Павлодар облысында 93 жастағы қария 5-ші қабаттан құлап, көз жұмды

Екібастұзда 93 жастағы қария абайсызда көп қабатты үйдің терезесінен құлап кетті, деп хабарлайды Stan.kz.

Павлодар облыстық полиция департаментінің мәліметінше, қария тепе-теңдік сақтай алмай қалған көрінеді. 

"Екібастұзда 6 сәуірде қайғылы жағдай орын алды.  93 жастағы пәтердің иесі өзінің немқұрайлылығы салдарынан тепе-теңдігін сақтай алмай, 5-қабатта орналасқан пәтерінің терезесінен құлап кеткен. Екібастұз қаласының тұрғыны алған жарақаттарынан оқиға орнында қайтыс болды. Сараптама тағайындалып, тергеу жұмыстары жүргізілуде", - деп хабарлайды полиция департаменті.