$ 448.15  483.46  4.86

Бішкекте қыз алып қашқан жігіт өлер алдында аудиохабарлама қалдырған

Замирбек хабарламаны ағасы мен анасына жіберген. Аудиохабарламада Айзаданың дауысы да естіледі.
Фото: © АКИpress
Фото: © АКИpress

Бішкек тұрғыны 26 жастағы Айзада Қанатбекованың өліміне күдікті Замирбек Теңізбаев өлер алдында туыстарына аудиохабарлама жіберген. Жазба әлеуметтік желілерде таралды, - деп хабарлайды Tengrinews.kz тілшісі "Вечерний Бишкек" және АКИpress басылымдарына сілтеме жасап.

Аудиохабарламада ер адам туыстарымен қоштасады.

"Оны өте қатты жақсы көремін және онсыз өмір сүре алмаймын. Қанша өтінсем де ол менімен тұрғысы келмейді. "Бір ай күт" деді, күттім. Содан кейін тағы бір ай. Бірақ қазір бәрі бітті. Енді сенбеймін", - дейді ол.
Аудио "ұрлау" әрекеті болғаннан кейін 5 сәуірде жазылуы мүмкін. Замирбек хабарламаны ағасы мен анасына жіберген. Аудиохабарламада Айзаданың дауысы да естіледі.

"Сенен күте тұруды өтіндім ғой", - дейді ол. 

Сонымен қатар, Замирбек соңғы күндері қарым-қатынастары қиындап кеткенін мойындаған. Ер адам бірнеше рет кешірім сұрайды.

"Ұлыңыздың осындай болғаны үшін кешіріңізші", - дейді ол.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары