Жаңалықтар 09.04.2021 сағат 21:36

Шығыс Қазақстанда судьялар жұмыс уақытында ішімдік ішкен

Соңғы жылдары судьялардың қаржылық және әлеуметтік жағдайы жақсарды.
Шығыс Қазақстанда судьялар жұмыс уақытында ішімдік ішкен
Фото: ашық дереккөзі
Бөлісу
Бөлісу
Бөлісу

Шығыс Қазақстан облысында бірнеше судья пара алғаны және жұмыс уақытында ішімдік ішкені үшін қызметінен босатылды. Бұл туралы ҚР Сыбайлас жемқорлыққа қарсы іс-қимыл агенттігінің Айырықша маңызды істер жөніндегі тергеушісі Данияр Биғайдаров брифингте айтты, деп хабарлайды zakon.kz.

Соңғы жылдары судьялардың қаржылық және әлеуметтік жағдайы жақсарды, бірақ соған қарамастан, сот жүйесіндегі сыбайлас жемқорлық проблемасы өзекті болып қалуда. Сонымен қатар агенттік қылмыстық тергеу нәтижелері бойынша қылмыс жасауға ықпал ететін сыбайлас жемқорлық тәуекелдерін жою бойынша ұсыныстар енгізіп, оның алдын-алу шараларын қабылдайды. Тәртіптік шаралар да қолданылады, - деп атап өтті Данияр Биғайдаров.
Оның айтуынша, 2021 жылы Шығыс Қазақстан облысының сыбайлас жемқорлыққа қарсы қызметінің ұсынысы бойынша екі судья қызметінен босатылды.

Атап айтқанда, қызметтік міндеттерін тиісінше орындамағаны үшін қазылар алқасының шешімімен Шығыс Қазақстан облысы Риддер қалалық сотының төрағасы Оспанова сот төрағасы қызметінен босатылды.

Жоғарғы сотқа жұмыс уақытында сот ғимаратында пара алу және алкогольдік ішімдіктерді ішу фактілері бойынша Шығыс Қазақстан облысының төрт судьясына, оның ішінде Өскемен қаласының No2 сотының төрағасына қатысты ұсыныс енгізілді. Қазылар алқасы тәртіптік комиссиясының шешімімен сот төрағасы мен қала судьялары, яғни судья Қасымов, Арғымберді, Кайролдина және Глубоков аудандық сотының судьясы Әміров қызметінен босатылды, - деді ол.
Сондай-ақ, ол биылғы жылы Павлодар облысының сыбайлас жемқорлыққа қарсы қызметінің ұсынысы бойынша Мемлекет басшысының бұйрығымен сот этикасына қайшы келетін жала жабу түрінде құқық бұзушылыққа жол берген судья қызметінен босатылғанын да айта кетті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар