$ 444.22 € 476.38 ₽ 4.82
Қызылордада жеңіл көлік иесі жаяу жүргіншілер жолағынан өтіп бара жатқан адамды қағып кетті, деп хабарлайды ҚазАқпарат.
Жол-көлік оқиғасы облыс орталығында Н.Назарбаев даңғылы бойындағы «Nomad Palace» кешені тұсында 3 мамыр күні кешке болды. «Лада-21705» маркалы автокөлігімен келе жатқан 22 жастағы жүргізуші жүргіншілер өткелінде жаяу жолаушыны қағып кетті.
«Жол-көлік оқиғасы заң талабына сай рәсімделді. Жүргізушіге қатысты ҚР Әкімшілік құқық бұзушылық туралы кодексінің 610-бабы 2-бөлігімен әкімшілік хаттама толтырылды. Жаяу жүргіншіге алғашқы медициналық көмек көрсетілді», - деп мәлім етті Қызылорда қалалық полиция басқармасынан.
