Жаңалықтар 11.06.2021 сағат 17:00

Елімізде электросамокаттарға шектеу қойылуы мүмкін

Оның айтуынша, электросамокат пайдалануға қатысты заңнамаға өзгерістер енгізілуі мүмкін.
Елімізде электросамокаттарға шектеу қойылуы мүмкін
Фото: Tengrinews.kz
Бөлісу
Бөлісу
Бөлісу

Қазақстанда электросамокатпен жүруге шектеу қойылуы мүмкін. Бұл туралы бүгін, 11 маусымда халыққа есеп беру жиынында ішкі істер министрі Ерлан Тұрғымбаев мәлімдеді деп жазады Qazaq Times.

  Министрдің айтуына қарағанда, көше мен трассада электросамокатпен жүруге мүлде тыйым салынған. "Жол қозғалысы туралы заңда самокат сияқты көлік құралы көрсетілмеген. Оның бірнеше себебі бар. Аталған көлік құралының сертификациясы жоқ. Екіншіден, олар көлік құралында болуы тиіс талаптарға сәйкес емес, яғни, дөңгелек диаметрі, тоқтату жүйесі, габариттік фонарь, артқы айна, қауіпсіздік жүйесі жоқ. Қазір көше мен трассада электросамокатпен жүруге мүлде тыйым салынған. Олар жол қозғалысының қатысушысы болмағандықтан олардың қозғалысына шектеу қойылады" деді Тұрғымбаев.

Оның айтуынша, электросамокат пайдалануға қатысты заңнамаға өзгерістер енгізілуі мүмкін. "Қазір велосипед жолдары мен тротуарларға қатысты мәселе қаралып жатыр, себебі самокаттардың жылдамдығы сағатына 20 шақырымды құрайды. Кейбір елдерде шектеу енгізілген. Ұлыбританияда жекелеген аумақтан басқа жерлерде самокаттарды пайдалануға тыйым салынған. Еуропаның өзге елдерінде де жылдамдық режиміне байланысты шектеу енгізіліп жатыр. Бізде бұл мәселе реттелмеген. Қазір барлық мүдделі орган қызметкерлерінен құралған жұмыс тобы құрылды. Менің ойымша, осы топтың шешіміне қарай заңнамаға өзгерістер енгізіледі деп ойлаймын" деді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар