Жаңалықтар 15.06.2021 сағат 17:00

Маңғыстауда түйелер картон жеп, жан сақтауға мәжбүр (ВИДЕО)

Соңғы жылдары аймақта байқалған қатты құрғақшылық мал шаруашылығына зиянды әсерін тигізуде.
Маңғыстауда түйелер картон жеп, жан сақтауға мәжбүр (ВИДЕО)
Фото: видеодан скриншот
Бөлісу
Бөлісу
Бөлісу

Маңғыстау облысында құрғақшылықтың салдарынан фермерлер малға азық ретінде картон беруге мәжбүр, деп хабарлайды zakon.kz.

Облыстық әкімдіктетегілер әр тұрғынның іс-әрекетіне түсініктеме бере алмайтындығын, сондықтан жұрттың "не істеу керектігін өздері білетінін" атап өтті.

Иә, бізде биыл қиындық болды, құрғақшылыққа ұрындық. Бірақ қазіргі уақытта облысқа жем жеткізіліп жатыр. Ақтөбе облысының кәсіпкерлері өңірге жем-шөп әкеледі, деп хабарлады облыс әкімдігінің баспасөз қызметі.
Бұған дейін аймақта қатты құрғақшылықтан мал қырылып жатыр деп хабарланған болатын. Аймақта көктемде жаңбыр жаумады, сондықтан жайылымдарда шөп өте аз.

Кейін Ауыл шаруашылығы министрі Сапархан Омаров Маңғыстаудағы жылқылардың өліміне жауапкершілік облыстық әкімдіктерге жүктелгенін айтты.

Иә, бұл облыстық әкімдіктерден кеткен кемшілік деп санаймын. Олар тұрғылықты жердегі жағдайды министрліктен немесе облыстық әкімдіктен гөрі жақсы біледі. Егер олар алдын-ала дабыл қағып, қолдау шараларын ұсынған болса, біз, әрине, үкіметтен қазіргідей көмек көрсетер едік, - деп еді министр.
Өз кезегінде облыс әкімі Серікбай Тұрымов жем-шөп қорын көбейту үшін жергілікті бюджеттен 200 миллионнан астам қаражат бөлінгенін айтты.

Соңғы жылдары аймақта байқалған қатты құрғақшылық мал шаруашылығына зиянды әсерін тигізуде. Өңірде малды құрғақшылықтан сақтау үшін шаруа қожалықтарын жем-шөппен қамтамасыз ету шараларын қабылдау үшін арнайы штаб құрылды. Ақтөбе облысының әкімдігімен меморандумға қол қойылды. Атап айтқанда, қажетті мөлшерде жем-шөп жеткізу және маңғыстаулық мал өсірушілерге жайылым мен шабындыққа жер телімдерін беру келісілді. Біз бұл жұмысты бастап кеттік. Жем-шөп қорын қалыптастыру үшін жергілікті бюджеттен 200 млн теңге бөлінді. Көрші облыстардан жеткізілген жем облыстың диқандарына жеткізіледі, - деді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар