$ 449.58  486.94  4.86

Назарбаевқа ассамблеяны өмір бойы басқару құқығы берілмек

Қазақстан халық ассамблеясы 1995 жылы құрылған. Дәл осы жылы ассамблея Нұрсұлтан Назарбаевтың президент өкілетін 2000 жылға дейін ұзартуды ұсынды. Материалды қолданған жағдайда, бастапқы 1 немесе 2-сөйлемде malim.kz сайтына гиперсілтеме беруіңізді сұраймыз. Авторлық құқықты құрметтегеніңізге алғыс айтамыз.

Экс-президент Нұрсұлтан Назарбаевқа «Қазақстан халық ассамблеясын» өмір бойы басқару құқығы берілмек. Бұл жөнінде мемлекет басшысы Қасым-Жомарт Тоқаевтың жарлығында жазылған.

«Қазақстан халқы Ассамблеясының ережесі туралы" Қазақстан Республикасы Президентінің 2011 жылғы 7 қыркүйектегі №149 Жарлығына мынадай өзгеріс пен толықтыру енгізілсін: жоғарыда аталған Жарлықпен бекітілген Қазақстан халқы Ассамблеясының ережесінде: 5-тармақ мынадай редакцияда жазылсын: "5. Қазақстан Республикасының Президенті: 1) Ассамблеяны құрады және қайта ұйымдастырады; 2) Ассамблея қызметінің бағыттарын айқындайды; 3) Ассамблеяның басшы лауазымды адамдарын қызметке тағайындайды және қызметтен босатады; 4) Ассамблея сессиясын шақырады; 5) Қазақстан Республикасының Конституциясына және заңдарына сәйкес өзге де қызметті жүзеге асырады."; мынадай мазмұндағы 5-1-тармақпен толықтырылсын: "5-1. Қазақстан Республикасының Тұңғыш Президентіне – Елбасына өмір бойы Ассамблеяны басқару құқығы тиесілі, одан ол бас тартуға құқылы», - делінген президент Қасым-Жомарт Тоқаев жарлығының жобасында.  

Экс-президент Нұрсұлтан Назарбаев 2021 жылдың сәуір айында Қазақстан халқы ассамблеясының төрағасы өкілетін президент Қасым-Жомарт Тоқаевқа өткізіп берген. Өкілетті қабылдап алған Тоқаев бұрынғы президентке "ассамблеяның құрметті төрағасы" болуын ұсынған. Назарбаев бұл ұсынысты қабыл алған.

Қазақстан халық ассамблеясы 1995 жылы құрылған. Дәл осы жылы ассамблея Нұрсұлтан Назарбаевтың президент өкілетін 2000 жылға дейін ұзартуды ұсынды. Көп ұзамай Н.Назарбаев 1995 жылдың 29 сәуірінде өз өкілетін 2000 жылдың 1 желтоқсанына дейін ұзартуды қарастыратын референдум өткізу туралы қаулыға қол қойды. Ресми мәлімет бойынша, референдумға қатысқан халықтың 95,46 пайызы Н.Назарбаевтың өкілетін ұзартуды қолдап дауыс берді, тек 3,8 пайыз дауыс беруші бұл бастаманы қолдамаған.


Malım.kz

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары