Жаңалықтар 09.07.2021 сағат 11:40

Тәліптер Орталық Азияға тиіспеуге уәде берді

Еске салайық, бұған дейін "Талибан" қозғалысының содырлары Тәжікстанмен шекаралас Пяндж өзені арқылы өтетін көпірде жалауын көтерген болатын.
Тәліптер Орталық Азияға тиіспеуге уәде берді
Фото: Sputnik Тәжікстан
Бөлісу
Бөлісу
Бөлісу

8 шілдеде Мәскеуге барған ауғанстандық "Талибан" қозғалысының делегаттары Ресей үкіметінің өкілдеріне Орталық Азия елдерінің тұтастығын бұзбауға уәде берді. Бұл туралы Ресей Сыртқы істер министрлігінің ресми сайтында жазылған, - деп хабарлайды Tengrinews.kz.

Келіссөздер барысында Ресей Президентінің Таяу Шығыс Республикасындағы арнайы өкілі Замир Кабулов елдің солтүстігіндегі жағдайдың тұрақсыздығына алаңдаушылық білдіріп, тәліптерді қақтығыстың Ауғанстаннан тыс жерлерге шығуына жол бермеуге шақырды. Делегация мүшелері Орта Азия мемлекеттері мен шетелдік өкілдіктер шекараларының ел аумағындағы қауіпсіздігіне кепілдік берді.

Сондай-ақ, делегация өкілдері халықтың этникалық топтарының мүдделерін ескере отырып, келіссөздер жүргізу арқылы елде тұрақты бейбітшілікке қол жеткізуге мүдделі екенін, сондай-ақ, ислам нормалары мен ауған дәстүрлері шеңберінде адам құқықтарын, оның ішінде әйелдердің құқықтарын сақтауға дайын екенін растады.

Тәліптер 20 жылдан кейін бас көтерді. Ауғанстанда не болып жатыр?

Олардың Ауғанстандағы ИШИМ қаупімен күресуге және азаматтық соғыс аяқталғаннан кейін ел аумағында есірткі өндірісін жоюға деген берік шешімі ерекше атап өтілді.

Еске салайық, бұған дейін "Талибан" қозғалысының содырлары Тәжікстанмен шекаралас Пяндж өзені арқылы өтетін көпірде жалауын көтерген болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар