Атырауда балық судағы улы заттан қырылған

Атырау облысындағы каналда балық судағы зиянды қоспалардың салдарынан қырылғаны белгілі болды, деп хабарлайды ЭК.

Осыған дейін Атырау облысы Исатай ауданындағы каналдардың бірінде қырылған 200 келіге жуық балықтың жиналғанын хабарланған болатын.

— Су сынамаларын талдау нәтижесінде аммоний азотының, хлоридтердің, темірдің, қалқыма заттардың және құрғақ қалдықтың шекті рұқсат етілген концентрациясынан (ШЖК) асып кеткені анықталды. Атырау облысының мамандандырылған табиғат қорғау прокуратурасы "Жайық-Каспий" облысаралық бассейндік балық шаруашылығы инспекциясының бастамасымен "АтырауСушар" РМК-ға қатысты қылмыстық іс қозғау мәселесін қарастыруда -деп хабарлады Балық шаруашылығы комитетінің баспасөз қызметі.

Каналда алабұға, табан, шортан және мөңке балықтары қырылған. Олардың өлексесі жерге көмілді.