$ 446.49 € 475.38 ₽ 4.79
Президент Әкімшілігі басшысының бірінші орынбасары Дәурен Абаев «Ашық диалог» сұхбатының кезекті санында Жапония астанасында өткен Жазғы Олимпиада ойындарының нәтижесі туралы пікір білдірді, деп хабарлайды ҚазАқпарат тілшісі.
«Мемлекет басшысы Олимпиадаға қатысты өз пікірін білдірді. Олимпиада командасының нәтижесі еліміздің спорттық әлеуетіне сәйкес келмейді. Менің ойымша, бұл пікірмен бәрі келіседі», - деді ол сұхбат барысында.
Оның айтуына қарағанда, мұндай жағдайда біреуді жұмыстан шығарып, қалыптасқан жүйені қайта құру арқылы елдің көңілін тыныштандыруға болады. Бірақ ол жүйелі кемшіліктерді шешпеуі мүмкін.
«Қазір балдымызда тұрған міндет басқа – қателіктермен жұмыс істеп, осы саладағы барлық процестерді талдау керек. Айтпақшы, Президент негізгі бағдарды нұсқады. Бұл – бұқаралық және балалар спортын дамыту. Осы бағытқа түсуіміз керек. Яғни, ең бастысы – ауылдарда қаладағыдай спорттық инфрақұрылым қалыптастырып, мүмкіндігінше балаларды тегін спорт секцияларына көбірек тарту. Әрине, білікті жаттықтырушылар мен нұсқаушыларды даярлау қажет», - Президент Әкімшілігі басшысының бірінші орынбасары.
Сондай-ақ, ол Олмпиада қорытындысы бойынша үлкен талдау жасалып, ревизиялық жұмыс жүргізілетінін атады.
«Ревизиялық жұмыстардың барысы Қасым-Жомарт Кемелұлының тікелей бақылауында болады. Әлқисса болсын, Президент күзде спорт бойынша үлкен кеңес өткізуді жоспарлап отырғанын айтайын. Әрине, спорт саласындағы барлық жаңалықтар туралы жұртшылыққа өз кезінде хабарланады», - деді Дәурен Абаев.
