Елордада нәресте коронавирустан көз жұмды

"Біз 11 күндік нәрестеден айырылдық, Себебі анасы жүктіліктің 39-аптасында инфекция жұқтырған. Өмірге келгеннен кейін 5-ші күні баланың миы зақымданғанын, яғни балада инсульт болғанын анықтадық. Баланың өмірін құтқара алмадық", — деді Нұр-Сұлтан педиатрлар қауымдастығының төрағасы Сағира Әбдірахманова.

Оның айтуынша, жатырда жатқаннан-ақ вирусқа шалдыққан сәбидің жүрегінде, қолқасында қан ұйып, тамырлары кеңейген.

Осындай диагнозбен 20 күндік тағы бір сәби тіркелген. Нәресте инсультқа шалдығып, жағдайы ауыр күйде екен.

Сондай-ақ дәрігерлер қазір балалар арасында жоғарғы тыныс жолдары мен өкпе аурулары, тыныс жетіспеушілік белгілері жиі кездесіп отырғанын айтады.