Жаңалықтар 18.08.2021 сағат 18:00

Қазақстан Ауғанстаннан 15 қырғызстандықты эвакуациялауға көмектесті

Қырғыз Республикасының Сыртқы істер министрі Руслан Қазақбаев Қазақстан Республикасының Үкіметі мен елдің Сыртқы істер министрлігіне Кабулдан Қырғыз Республикасының 15 азаматын эвакуациялауға көрсеткен көмегі үшін, сондай-ақ Қырғызстанның Ауғанстандағы елшілігіне көрсеткен көмегі үшін алғысын білдірді.
Қазақстан Ауғанстаннан 15 қырғызстандықты эвакуациялауға көмектесті
Фото: ашық дерекөз
Бөлісу
Бөлісу
Бөлісу

Қазақстан Ауғанстаннан Қырғызстанның 15 азаматын эвакуациялауға көмектесті, - деп хабарлайды Tengrinews.kz тілшісі Қырғызстан Сыртқы істер министрлігі баспасөз қызметіне сілтеме жасап.

2021 жылғы 18 тамызда қырғыз тарапының бастамасы бойынша Қырғыз Республикасының Сыртқы істер министрі Руслан Қазақбаев Қазақстан Республикасының Сыртқы істер министрі Мұхтар Тілеубердімен телефон арқылы сөйлесті.

Ведомство мәліметінше, әңгіме барысында екі елдің сыртқы істер орган басшылары қырғыз-қазақ қатынастарының күн тәртібіндегі өзекті мәселелерді талқылаған.

"Министр Руслан Қазақбаев Қазақстан Республикасының Үкіметі мен елдің Сыртқы істер министрлігіне Кабулдан Қырғыз Республикасының 15 азаматын эвакуациялауға көрсеткен көмегі үшін, сондай-ақ Қырғызстанның Ауғанстандағы елшілігіне көрсеткен көмегі үшін алғысын білдірді. Бұл - елдер арасындағы бауырластық, одақтық және тату көршілік қарым-қатынас жоғары деңгейін көрсетеді", - делінген хабарламада.

Мұхтар Тілеуберді қазақстандық тараптың Қырғыз Республикасының азаматтары мен Қырғызстанның Ауғанстандағы дипломатиялық миссиясына қатысты мәселелер бойынша одан әрі көмек көрсетуге дайын екенін жеткізді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар