Жаңалықтар 21.08.2021 сағат 12:29

Павлодарда жасөспірім телефонмен ойнауға тыйым салған әкесін пышақтап тастаған

Жыл басынан бері Павлодар облысының аумағында кәмелетке толмағандар істеген 11 қылмыс тіркелген.
Павлодарда жасөспірім телефонмен ойнауға тыйым салған әкесін пышақтап тастаған
Бөлісу
Бөлісу
Бөлісу

Павлодарда жасөспірім телефонда ойнауға тыйым салған әкесін пышақтап тастаған, деп хабарлайды Azattyq Rýhy.  

Облыстық Полиция департаментінің мәлімеінше, Павлодар қаласы тұрғынының пышақ жарақатын алғаны туралы хабарлама келіп түскен.

«Белгілі болғандай, пәтерде 2007 жылы туған, кәмелетке толмаған бала мен оның әкесінің арасында жанжал болған. Әкесі баласына телефонда ойнағаны және үйді жөндеуге көмектесуден бас тартқаны үшін ескерту жасаған. Телефонды алып, ер адам үйдің ауласына бет алған, сол кезде жасөспірім әкесіне ашуланып, ас үй пышағын алып әкесін пышақтаған», - деді облыстық Полиция департаменті бастығының бірінші орынбасары Жасқайрат Қайыров.

Ер адам пышақ жарақатымен Павлодар қаласының ауруханасына жатқызылған.

«Қазіргі уақытта аталған факт бойынша ҚР Қылмыстық кодексінің 106-бабы 1-бөлімі бойынша сотқа дейінгі тергеу жүргізілуде», - деді Жасқайрат Қайыров.

Айта кетейік, жыл басынан бері Павлодар облысының аумағында кәмелетке толмағандар істеген 11 қылмыс тіркелген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар