Түркияда Фетхулла Гүленнің туған інісі ұсталды

Түркия полициясы АҚШ-та тұрып жатқан діндар Фетхулла Гүленнің туған інісі Кутбеттин Гүленді ұстады деп хабарлайды BBC News. Билік ол екеуін төңкеріс жасауға әрекеттенді деп айыптап отыр.

Полицияның антитеррорлық бөлімшесі Кутбеттин Гүленді Түркия аумағында қолға түсірген. Оны өз туыстарының бірі "сатып жіберген" көрінеді. Қазір күдікті полиция бөлімшесінде қамауда отыр.

Ал, Фетхулла Гүлен болса өзіне тағылған айыптардың ешқайсысын мойындаған жоқ. Ол жазда Түркияда орын алған төңкеріс әрекетіне өзінің еш қатысы жоқ екенін айтады. Тіпті, өзін қуғынға салу үшін бұл оқиғаны қазіргі президент Реджеп Тайып Ердоғанның өзі ұйымдастыруы мүмкін деген болжамын да мәлімдеп отыр.