Жаңалықтар 24.08.2021 сағат 14:40

Тамағына пышақ тақаған: Нұр-Сұлтанда жас жігіт дәріхананы тонап кетті

Нұр-Сұлтанда 26 жастағы жігіт дәріхана сатушысының тамағына пышақ тақап қорқытып, кассадағы ақшаны алып кетті, деп хабарлайды Stan.kz ақпарат агенттігі.
Тамағына пышақ тақаған: Нұр-Сұлтанда жас жігіт дәріхананы тонап кетті
Бөлісу
Бөлісу
Бөлісу

Нұр-Сұлтан қаласы полиция департаменті баспасөз қызметінің ақпаратынша, түнгі 22:30-да 102 нөміріне Момышұлы даңғылындағы дәріханаға қарақшылық шабуыл жасалғаны туралы хабар түскен. Телефон шалған әйел белгісіз біреу оны пышақпен қорқытып, кассадан 30 мың теңге алып кеткенін айтты.

Күдіктіні ұстауға полицияның жеке құрамы жұмылдырылды.

Тергеу барысында анықталғандай, түнгі ондар шамасында дәріханаға медициналық маска киген ер адам кіріп, дәрі сұраған. 23 жастағы қызметкер дәрі әкелуге кеткенде, ер адам артынан жүгіріп барып, тамағына пышақ тақап, ақша талап кеткен. Ақшаны алғаннан кейін, белгісіз бағытта ізін жасырған.

Полиция дәріхана жақтан жүгіріп өткен жігітті көрген куәгерлерді тапты. Кейін бейнебақылау камераларының көмегімен күдікті жасырынған аумақты анықтады. Компьютерлік клубтардың бірін тексеру кезінде күдіктіге ұқсас 26 жастағы жігіт ұсталды. Одан пышақ пен ақша табылған. Ер адам кінәсін мойындады.

Бұл факті бойынша қылмыстық іс қозғалды. Күдікті уақытша ұстау изоляторына қамалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар