«Дәмхананың терезесі сынып, адамдар ұшып кеткен»: Жамбыл облысындағы жарылыс кезіндегі видео жарияланды

Кадрдың басында жарылыстың терезедегі бейнесін айқын байқауға болады.

Фото: ашық дерекөз

Жамбыл облысындағы жарылыс кезінде мейрамханада орын алған жағдайдың видеосы желіде кең таралуда, деп хабарлайды Stan.kz ақпарат агенттігі AIBAT жаңалықтар қызметіне сілтеме жасап.

Әскери бөлімшеге жақын орналасқан дәмханалардың бірінде жарылыс болған сәт бейнебақылау камерасына түсіп қалған. Кадрдың басында жарылыстың терезедегі бейнесін айқын байқауға болады. Артынша бірнеше минут өтпей жатып, жарылыс дәмхананың терезесін сындырып, адамдарды жан-жаққа ұшырып жіберген. Камераға сондай-ақ сауық кешенінің жабық қақпасынан секіріп өтіп қашқан әскери форма киген адамдар түсіп қалған.

Еске салсақ, 26 тамызда Жамбыл облысы Байзақ ауданында орналасқан әскери бөлімде сағат 19.00 шамасында қоймалардың бірінің жанында өрт шықты.