$ 444.22 € 476.38 ₽ 4.82
Қорғаныс министрлігі Тараздағы жарылыстан зардап шеккен сарбаздың неге төсекте емес, есікте жатқанын түсіндірді. Бұл туралы Orda.kz хабарлады.
Аурухана есігінде жатқан әділет лейтенанты Нұрбек Көшековтың фотосы әлеуметтік желіде тарап кетті. Қазақстандықтар жараланғандардың жағдайына ашуланды.
Тараз гарнизоны Нұрбек Көшековтың жарылыстардан кейін 26 тамызға қараған түні әскери госпитальге түскенін хабарлады. Оған бел омыртқасының сынығы диагнозы қойылған.
– Оған денені бекіту қажет. Шұғыл ауруханаға жатқызу жағдайында олар кез келген қатты және тегіс затты, темір есікті қолданды. Енді оны жылжыту мүмкін емес, – деді Қорғаныс министрлігінің медиа орталығы Тараз гарнизоны баспасөз қызметінің жетекшісі Дина Мухаринова.
Науқасты қатты жерге жатқызу керек болған соң төсекке жатқызылмады. Тараз әскери госпиталінде терапия және хирургия бөлімдері бар, ал нейрохирургия бөлімі жоқ. Ауруханада кереуеттер мен матрацтар жеткілікті, барлық қажетті жағдайлар бар, деп сендірді гарнизон.
