Жаңалықтар 08.09.2021 сағат 16:20

Жаңбыр және үсік. Алдағы үш күнде ауа райы қандай болады?

Тек оңтүстік пен батыс өңірлерде ғана жауын-шашынсыз ауа райы күтілуде.
Жаңбыр және үсік. Алдағы үш күнде ауа райы қандай болады?
Фото: ашық дерекөз
Бөлісу
Бөлісу
Бөлісу

Синоптиктер 9-11 қыркүйекке арналған ауа райы болжамын ұсынды, - деп хабарлайды Tengrinews.kz тілшісі "Қазгидромет" РМК мәліметіне сілтеме жасап.

Циклон мен фронталь бөліктер әсерінен солтүстікте, солтүстік-шығыста жаңбыр жауып, шығыс өңірлерде нөсер болады деп күтіледі. Тек оңтүстік пен батыста жауын-шашынсыз ауа райы болжанған.

10 қыркүйектен бастап Солтүстік циклонның Қазақстан аумағына ығысуына байланысты еліміздің басым бөлігінде, таулы аудандарда және оңтүстік, оңтүстік-шығыс өңірлердің солтүстігінде, найзағай мен бұршақ жауу ықтималдығы бар.

"Батыста, солтүстік-батыста ауа температурасы біртіндеп көтеріледі: түнде 3-11-ден 5-15 градусқа дейін, күндіз 15-23-тен 20-28 градусқа дейін. Солтүстік пен орталыққа келсек, түнде негізгі фон 2-13 градус болады.

Ал, 9 қыркүйекте топырақ бетінде 2 градус үсік жүреді. Күндіз 15-23-тен 10-20 градусқа дейін, шығыста түнде 2-16, күндіз 15-25 градус, оңтүстік пен оңтүстік-шығыста түнде 10-18-ден 4-14 градусқа дейін, күндіз 19-30-дан 15-25 градусқа дейін жылы болады деп болжанған", - делінген хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар