Жаңалықтар 08.09.2021 сағат 17:40

«Путин қазақ елінен қолыңды тарт». Шымкентте белсенділер Қуат Ахметовті қудаламауды талап етті

Қолдарына «Путин қазақ жерінен қолыңды тарт!» деген жазуы бар плакат ұстап тұрған белсенділер әуелі «Қуат Ахметов елге қайтарылсын!» деп айқайлады.
«Путин қазақ елінен қолыңды тарт». Шымкентте белсенділер Қуат Ахметовті қудаламауды талап етті
Фото: ашық дерекөз
Бөлісу
Бөлісу
Бөлісу

Бүгін, 8 қыркүйек күні Шымкент қалалық прокуратурасының алдына жиналған он шақты азаматтық белсенді "Til Maydani онлайн партиясы" Youtube арнасының авторы, қазақ тілінде қызмет көрсетуді талап еткені үшін үстінен қылмыстық іс қозғалып, елден кеткен Қуат Ахметовті елге қайтаруды талап етті. Бұл туралы Азаттық радиосы хабарлады. 

Басылымның жазуынша, белсенділер Ресейден Қазақстанның ішкі ісіне араласпауын талап еткен. Қолдарына "Путин қазақ жерінен қолыңды тарт!" деген жазуы бар плакат ұстап тұрған белсенділер әуелі "Қуат Ахметов елге қайтарылсын!" деп айқайлады.

Оны көрген прокуратура қызметкері заңсыз митинг өткізуге болмайтынын ескертті. Содан кейін белсенділер Қазақстанның бас прокуроры Ғизат Нұрдәулетовтің атына хат тапсырды. Онда хат авторлары өзге елге Қазақстанның ішкі ісіне араласуына жол бермеуді, азаматтардың ана тілінде қызмет алу жөніндегі Конституциялық құқығын қамтамасыз етуді, тіл белсендісі Қуат Ахметовтің үстінен қозғалған қылмыстық істі қысқартып, елге қайтаруды талап еткен.

- Қуат Ахметовті қудалау тоқтатылсын. Қазақстанда мемлекеттік тіл ретінде қазақ тілінің статусы туралы жеке дара заң қабылдануы керек, - деді наразы белсенділердің бірі Қалмахан Омар.

Белсенділерді әкімдік қызметкерлері мен полиция сырттан бақылап, күзетіп тұрды. Наразылар талаптары орындалмаған жағдайда жаппай митингіге шығатынын ескертіп тарады. "Til Maydani онлайн партиясы" Youtube арнасының авторы, азаматтық белсенді Қуат Ахметовтің елден шығып, Киевке кеткені туралы 31 тамызда хабарланды.

Адвокат Абзал Құспан қорғауындағы Ахметовтің мұндай шешім қабылдауына Қазақстан бас прокуратурасының оның үстінен Қылмыстық кодекстің 174-бабымен ("ұлт араздығын қоздыру") қылмыстық іс қозғағаны себеп болғанын айтқан. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар