Қандастар үшін азаматтық алу шаралары жеңілдетілді

Ішкі істер министрлігі этникалық қазақтардың Қазақстан азаматтығын қабылдау тәртібін жеңілдету үшін дәйекті шаралар қабылдауда, деп хабарлады ведомствоның баспасөз қызметі.

Осы жылдың 1 қаңтарынан бастап қандастарға бір мезгілде Қазақстанда тұрақты тұруға рұқсат алуға және Қазақстан азаматтығына қабылдауға құжаттар ұсыну мүмкіндігі заңды түрде енгізілді.

Бұрын олар бұл процедуралардан бөлек өтетін, ал тұрақты тұру рәсімі 2 айға созылатын.

Бұдан соң бір ай ішінде тұруға ықтиярхат дайындалды, содан кейін ғана Қазақстан азаматтығына алдын ала құжат тапсыруға болады. Бұл 3 ай көлемінде қаралатын.

Қазір барлық үш кезең бір уақытта өтеді.

Жыл басынан бері Қазақстан Республикасының азаматтығына 2935 отандасымыз осындай тәртіппен қабылданды.

Қазіргі уақытта осы мысал бойынша қандастарға қандас куәлігін беруден бастап азаматтыққа қабылдауға дейінгі жұмыстарға тартылған барлық мемлекеттік органдардың (еңбек және халықты әлеуметтік қорғау, сыртқы істер, ішкі істер, ақпарат және қоғамдық даму министрліктері, жергілікті атқарушы органдар) жұмысының бірыңғай алгоритмі енгізілуде.

Нәтижесінде:

олар тек ХҚКО-ға бір рет жүгінетін болады (әр мемлекеттік органға жеке емес);
құжаттар тізімі екі есеге қысқарады;
барлық кезеңдерден өту мерзімі 90 күнді құрайды (материалдарды қазіргідей кезек бойынша емес, барлық мемлекеттік органдар бір мезгілде қарайтын болады).         

sputnik.kz