Синоптиктер жексенбі, яғни 12 қыркүйекке арналған ауа райы болжамын жариялады, деп хабарлайды Azattyq Rýhy.
«Шығыс жарты шарда және солтүстік аймақтарда, сондай-ақ оңтүстік-шығыстың таулы аудандарында жаңбыр жауып, найзағай ойнайды. Еліміздің батыс жартысында антициклон жотасының әсерінен ауа райы негізінен жауын-шашынсыз болады. Түнде және таңертең солтүстік және орталық аймақтарда тұман түседі. Республиканың шығыс жартысы мен солтүстік өңірлерінде жел 15-20 м/с күшейеді», - делінген «Қазгидромет» РМК баспасөз хабарламасында.
Атап айтқанда, Солтүстік Қазақстан облысының шығысында найзағай ойнайды, жел 15-20, күндіз екпіні 23-28 м/с күшейеді.
Павлодар облысында күндіз жел екпіні 15-20 м/с жетеді.
Жамбыл облысының таулы аудандарында найзағай ойнап, бұршақ жауады, түнде тұман, күндіз облыстың оңтүстік-батысында, батысында жел 15-20 м/с күшейеді.
Шығыс Қазақстан облысында түнде солтүстігінде, күндіз басым бөлігінде найзағай ойнайды, жел 15-20 м/с жетеді.
Қарағанды облысының солтүстігінде, солтүсті-батысында тұман түседі, солтүстігінде, шығысында және орталығында жел 15-20 м/с күшейеді.
Ақмола облысында түнде және таңертең солтүстігінде, оңтүстік-шығысында тұман түседі, түнде және күндіз солтүстігінде, оңтүстік-шығысында 15-20 м/с жел күшейеді. Түнде және таңертең облыстың солтүстігінде, солтүстік-батысында тұман түседі, күндіз солтүстігінде жел 15-20 м/с күшейеді.
«Түнде Ақмола облысының оңтүстік-батысында, Қостанай, Солтүстік Қазақстан облыстарының батысында, Ақтөбе облысының солтүстігінде, Қарағанды облыстарының солтүстігінде, шығысында 2 градус үсік жүреді», - делінген хабарламада.
Сондай-ақ Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай облыстарының басым бөлігінде, Қарағанды облысының батысында, Батыс Қазақстан облысының солтүстік-шығысында және оңтүстігінде, Шығыс Қазақстан облысының оңтүстігінде төтенше өрт қаупі сақталады.