Жаңалықтар 15.09.2021 сағат 11:40

Шымкентте сегізінші қабаттың терезесінен құлаған 2 жасар сәби көз жұмды

Ата-асының қарауынсыз қалып, терезеден құлаған.
Шымкентте сегізінші қабаттың терезесінен құлаған 2 жасар сәби көз жұмды
Фото: ашық дереккөзі
Бөлісу
Бөлісу
Бөлісу

Шымкентте екі жасар қыз бала жазатайым оқиға салдарынан қайтыс болды. Сәби сегізінші қабаттағы терезеден құлады, деп хабарлайды ҚазАқпарат Шымкент қаласы төтенше жағдайлар департаментінің баспасөз қызметіне сілтеме жасап.

Құтқарушылардың мәліметінше, кеше сағат 20:40 шамасында көпқабатты тұрғын үйдің сегізінші қабаттындағы терезеден баланың құлағаны туралы хабарлама келіп түскен.

Қайғылы оқиға Қаратау ауданының «Нұрсәт» шағынауданында болған.

Алдын ала мәлімет бойынша, 2019 жылы дүниеге келген сәби ата-анасының қарауынсыз қалып, терезеден құлаған. Бала оқиға орнында көз жұмды.

Құтқарушылар ата-аналардан балаларын әсіресе ашық тұрған терезенің қасында қалдырмауын сұрайды.

Жыл басынан бері Шымкент аумағында балалардың терезеден құлауының алты оқиғасы тіркелді.

Үш оқиғада балалар қайтыс болып, тағы үшеуінде жарақат алған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар