Жаңалықтар 20.09.2021 сағат 11:40

«Үйлерінде отырсын!»: Тәліптер әйелдерге ер адамдардың жұмысын істеуге тыйым салды

Оның айтуынша, қала аумағында 2,9 мың адам жұмыс жасайды.
«Үйлерінде отырсын!»: Тәліптер әйелдерге ер адамдардың жұмысын істеуге тыйым салды
Бөлісу
Бөлісу
Бөлісу

Кабул қаласында ерлер орындай алатын жұмысты істейтін әйелдер үйде қалуы керек. Бұл туралы Кабул қаласы әкімінің міндетін атқарушы Молави Хамдолла Номани мәлімдеді, деп хабарлайды Stan.kz ақпарат агенттігі РИА Новости-ге сілтеме жасап.

Оның айтуынша, қала аумағында 2,9 мың адам жұмыс жасайды. Оның ішінде 27% -ы әйелдер және олар аудандық әкімшіліктерде құрылыс және инженерлік салада еңбек етеді.

"Біз жұмысын ер азаматтар істей алмайтын әйелдерге жұмысқа шығуға рұқсат бердік. Олар күнделікті жұмысқа шығып жүр. Мысалы, біз әйелдердің қалалық дәретханаларында жұмыс істейтін әйелдер туралы айтып отырмыз, себебі онда ер адамдар кіре алмайды, - деді әкім. Бейнежазбаны AL Arabiya телеарнасы Twitter-де жариялаған.

Сонымен қатар, ол аудандар мен орталық аппаратта ерлер алмастыра алмайтын әйел қызметкерлер бар екенін де жасырмады. Олар электр және құрылыс саласында жұмыс істейді.

"Бірақ басқалар (ер адамдар) орнын алмастыра алатындарға (әйелдерге) үйде отыруды ұсындық. Елдегі жағдай бір реттілікке келгенше үйлерінде отырады және оларға жалақы төленетін болады", - деп қосты әкім.

Тамыз айының басында "Талибан" Ауғанстан үкіметтік күштеріне қарсы шабуылдарын күшейтіп, 15 тамызда Кабулға кірді және келесі күні соғыстың аяқталғанын жария етті. Осы айдың соңғы екі аптасында американдық әскерилердің қорғауында болған Кабул әуежайынан Батыс азаматтары мен олармен жұмыс жасаған ауғандықтарды жаппай көшіру жүргізілді. 31 тамызға қараған түні АҚШ әскері Кабул әуежайынан шығып, АҚШ-тың Ауғанстандағы 20 жылға жуық әскери операциясына нүкте қойды.

6 қыркүйекте тәліптер Ауғанстанның 34 провинциясының соңғысы Панджшер елді мекенінің өздеріне қосылғаны турады хабарлады. Келесі күні Ауғанстанның уақытша үкіметінің құрамы жарияланып, билік басына Мохаммад Хасан Ахунд келді. Айта кетейік, Мохаммад Хасан бірінші Талибан билігі кезінде сыртқы істер министрі болған және 2001 жылдан бері БҰҰ санкцияларында жүрген адам.

"Талибан"* - Қазақстанда тыйым салынған террористік ұйым

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар