Жаңалықтар 24.09.2021 сағат 22:40

Бекболат Тілеухан 3 әйелін қалай ұйытып ұстап отырғанын айтты

Депутаттың үш некеден бүгінде 14 баласы бар.
Бекболат Тілеухан 3 әйелін қалай ұйытып ұстап отырғанын айтты
Фото: ашық дереккөзі
Бөлісу
Бөлісу
Бөлісу

Бекболат Тілеухан үш бірдей әйелінің қызғанышы, балалары жайлы сыр шертті. Ол өмір жолында иманды әйелдерге кездескенін, соның арқасында елдің алдында масқара болмай, жеке өмірін ел көзінен тасада ұстап келе жатқанын жеткізді. Бұл туралы Тілеухан Qasqa Jol арнасына берген сұхбатында баяндады.

"Ол қызғаныш кетпейді. Өтірік мақтанудың қажеті жоқ. Ең бастысы, мен оларды сүйемін. Олар да мені жек көрмесе керек. Балалардың әкесімін ғой. Бірақ оларды тату-тәтті ұстаймын, олар қызғанбайды деген нәрсе болуы мүмкін емес. Өйткені адамзаттың эталоны, идеалы пайғамбарымыздың (с.ғ.с) әйелдері бірінен бірі қызғанған. Оның қасында кешегі Кеңес үкіметінен шыққан қыздар қызғанбайды, мінсіз болады деудің өзі қисынсыз болады", – дейді Тілеухан.

Депутат басына түскен тағдырын, жеке өмірін жұртқа жария етуден бойын аулақ ұстайды. Оған бір жағы жеке өмірі туралы әр жерде сыр білдірмейтін депутаттың әйелдері де өз үлесін қосып отырған көрінеді.

"Бөрі арығын білдірмес" дейді. Менің тағдырым болған соң, мақтанатын да нәрсе емес. Құдайдың берген нәрсесі. Бірақ бір нәрсені білемін, менің полигамды некемнен қазақ зиян көрген жоқ. Тілеухан әулеті зиян көрген жоқ.  Аллаға шүкір, ол менің еңбегім емес, оларға Құдайдың берген санасы, иманы шығар, жылт-жылт етіп, Instagram-ға шығып жатса, масқараның көкесі сонда болар еді! Мен тыйған жоқпын, өздерінің иманы тыйды. Әйелді ері сақтамайды, ары мен иманы сақтайды. Алла Тағаланың маған жасаған шексіз рақымы сол, иманды әйелдер берді", – деді Бекболат Тілеухан.  

Депутаттың үш некеден бүгінде 14 баласы бар. 

Oinet.kz

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар