Жаңалықтар 28.09.2021 сағат 15:20

Диссидент Арон Атабек ауруханаға түсті

Қазір ем қабылдап жатыр.
Диссидент Арон Атабек ауруханаға түсті
Фото: ашық дерекөз
Бөлісу
Бөлісу
Бөлісу

Құқық қорғаушы Бақытжан Төреғожина ақын Арон Атабек ауруханаға түсіп қалғанын айтты. Бұл туралы Orda.kz Азаттыққа сілтеме жасап хабарлады.

Құқық қорғаушы Елена Семенованың айтуынша, Арон Атабек бір апта бұрын ауруханаға түскен. Қазір ем қабылдап жатыр.

– Ол бұған дейін емделуге үзілді-кесілді қарсы болып келген. Оған «ауруханаға жатпасаңыз, сал боласыз, өмір бойы арбаға таңыласыз» деп қатаңырақ ескерткенмін. «Тым болмағанда, аяқ-қолға қарапайым массаж жасату үшін барыңыз» дегенмін. Қазір сәл кішкене қозғалыс бар сияқты. Толық тексеруден өтіп жатыр. Негізінен витаминдер қабылдайды. Тексеруден өтіп, анализдерін тапсырғаннан кейін қандай да бір ем көрсететін шығар, – деді Елена Семенова.

Семенованың айтуынша, ақын толық тексеріліп болған соң қайта түзету мекемесіне оралады.

Қылмыстық атқару жүйесі комитеті мен Павлодар облысындағы АП-162/1 түзету мекемесінің басшысы ешқандай түсініктеме бермеді.

Еске салсақ, 2006 жылы «Шаңырақ» оқиғасынан кейін Арон Атабек 18 жылға сотталды. Ол мерзімінің көп бөлігін, 15 жылын өтеп болған. Жазда Қазақстанда Ұлттық алдын алу тетігі (ҰААТ) қатысушылары Арон Атабекке түрмеге барып, оның денсаулығы нашарлағанын айтты.

Айта кетсек, жақында 2500 адам Атабекті рақымшылықпен босату үшін қол жинап, оны Тоқаевқа жолдаған. Әзірге биліктегілер еш жауап қатпаған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар