Бірнеше өңірде ауа райына байланысты ескерту жарияланды

Қазгидромет синоптиктері бейсенбі, 30 қыркүйекте ауа райы қандай болатынын болжады.

Қазақстанның басым бөлігінде ауа райы жауын-шашынды болады.

Қызылорда облысының орталығында солтүстік, солтүстік-батыстан секундына 15-20 метр жылдамдықпен жел соғады.

Солтүстік Қазақстан облысында солтүстік-шығыстан секундына 15-20 метр жылдамдықпен жел соғады.

Алматы облысының шығысында және таулы аймақтарында жел соғады, екпіні секундына – 15-20 метр.

Павлодар облысының орталығында тұман түседі.

Ақмола облысының солтүстігі мен оңтүстік-шығысында тұман түсіп, көктайғақ болады. Солтүстік-шығыстан, солтүстіктен соққан желдің екпіні секундына 15-20 метрге жетеді.

Нұр-Сұлтан қалалық төтенше жағдайлар департаменті «Қазгидромет» РМК деректері бойынша астанада 30 қыркүйекте тұман және көктайғақ болатынын мәлімдеді.

aikyn.kz