Танымал блогер «Супермамаситаға» қатысты қылмыстық іс қозғалды

Әлия Байтұғаеваға қатысты іс Алматы қалалық ПД тергеу басқармасының мүліктік қылмыстарды тексеру бөлімінде қаралып жатыр. Аталған қылмыстық іске қатысты шешім шыққан жоқ, деп хабарлайды Express Qazaqstan.

Бұл туралы Алматы қалалық ПД басшысының орынбасары Рүстем Әбдірахманов өзінің Instagram парақшасында өткізген тікелей эфир барысында мәлімдеді.

Әлия Байтұғаеваға қатысты істің құқықтық шектеу мәселесі шешілген жоқ. Іске, адамдардан жиналған қаражатқа қатысты тексеру жұмыстары жүргізіліп жатыр. Бұл тексеріс жақын арада аяқталған соң, тергеудің келесі кезеңіне өтеміз, - деді Рүстем Әбдірахманов.