$ 448.15  483.46  4.86

Астана тұрғыны анасының ақшасын тартып алып отырған

Ер адам бұған дейін де жауапқа тартылғанымен, тәртібі түзелмеген.
Фото: ашық дерекөз
Фото: ашық дерекөз

Елордада қарт анасының ақшасын тартып алып отырған ер азамат 20 тәулікке қамалды деп хабарлайды Paryz.kz, Нұр-Сұлтан қалалық ПД баспасөз қызметіне сілтеме жасап.

Тексеріс барысында учаскелік инспекторға кейуана шағымданған. Айтуынша, 34 жастағы ұлы үйде жанжал шығарып, анасының ақшасын алып кетіп тұрған.

Ер адам бұған дейін де жауапқа тартылғанымен, тәртібі түзелмеген. Ауданаралық мамандандырылған әкімшілік сотының шешімі бойынша оған 20 тәулікке әкімшілік қамауға алу жазасы тағайындалды.

Айта кетсек, жедел-профилактикалық іс-шара барысында барлығы 16 мыңға жуық азамат әкімшілік жауапқа тартылған. "Әкімшілік құқық бұзушылық кодексінің" 492-бабы ("Ел аумағында тіркеусіз тұру") бойынша – 5849, 434-бабы ("Ұсақ бұзақылық") – 167, 440-бабы ("Қоғамдық орындарға масаң күйде келу") бойынша 2152 жеке тұлға жауапқа тартылды. 
 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары