Жаңалықтар 07.10.2021 сағат 14:40

Тәжікстан президенті қазақстандық шекарашыны наградтады

Жеке қазақстандық құрама батальоны Күршім взводының құрамында қызмет атқарды.
Тәжікстан президенті қазақстандық шекарашыны наградтады
Сурет: ҚР ҰҚК баспасөз қызметі
Бөлісу
Бөлісу
Бөлісу

Тәжікстан Республикасы Президентінің 2021 жылғы 30 қыркүйектегі №252 Жарлығымен Республика Тәуелсіздігінің 30 жылдығына және қызметтік борышын орындау кезінде танытқан ерлігі мен жанқиярлығы үшін кіші сержант, марқұм Батырқанов Раджан Армияұлы 1-ші дәрежелі "Спитамен" орденімен наградталды, деп хабарлайды zakon.kz ҚР ҰҚК баспасөз қызметіне сілтеме жасап.

Тәжікстанның бауырлас халқы 1993-2001 жылдар аралығында тәжік-ауған шекарасында әскери борышын өтеген Жеке құрама атқыштар батальонының әскери қызметшілері көрсеткен ерлігін еске алып, құрмет тұтады.

Батырқанов Раджан Армияұлы (1975-1994) жауынгер-интернационалист, батыр-шекарашы. Жеке қазақстандық құрама батальоны Күршім взводының құрамында қызмет атқарды.

1994 жылы 28 қыркүйекте Хорог шекара жасағының учаскесінде тәжік оппозициясының екі жүзден астам Хаким бастаған содырлары Висхоров шатқалындағы 5-ші және 6-шы шекара заставаларының түйіскен жерінен бұзып өтуге тырысты.

Бұл ұрысқа қазақстандық құрама батальонның жеке құрамы белсене қатысты.

Хаким содырлары 9 жүк көлігі және екі "УАЗикпен" Калай-Хумб ауданының орталығы арқылы Ауғанстан Ислам мемлекетіне өту ниетімен мемлекеттік шекара сызығының бойындағы Хорог бағытына бет алды. Лектің қозғалысын "Қара қол" лақап атымен белгілі болған содыр басқарды (кейіннен "Хаттаб" деп танылған халықаралық террорист, 1995 жылдан 2002 жылға дейін Шешенстандағы Ресей федералды күштеріне қарсы соғысқа қатысқан шешен сепаратистерінің жетекшісі).

Бұл ұрыста Р. Батырқанов қарулы содырлармен болған қиян-кескі шайқасқа бірінші болып кірді. Өз өмірінің құнымен қаруластарын құтқарып қана қоймай, ұрыста жеңіске жетулеріне жол ашты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар