Жаңалықтар 13.10.2021 сағат 14:40

Қазақстан өлім жазасын алып тастайды: Депутаттар елде қылмыс көбейіп кететінін айтып алаңдауда

Айтуынша, өлім жазасы қылмыстың төмендеуіне немесе, керісінше, өсуіне әсер етеді деген пікір жоқ. Бұған түрлі зерттеулер дәлел.
Қазақстан өлім жазасын алып тастайды: Депутаттар елде қылмыс көбейіп кететінін айтып алаңдауда
Фото: ашық дереккөзі
Бөлісу
Бөлісу
Бөлісу

Бүгін, 13 қазан мәжіліс Қылмыстық кодекске өлім жазасы мәселелері бойынша өзгерістер енгізу туралы заң жобасын бірінші оқылымда мақұлданған болатын. Мәжіліс депутаты Артур Платонов Қазақстан өлім жазасын алып тастағаннан кейін елде қылмыс санының өсіп кетуіне алаңдаушылық білдірді, деп хабарлайды Stan.kz.

Депутаттың айтуынша, әлемдегі жағдай лаңкестіктің шекарасы жоқ екенін көрсетіп отыр. Бұл әлемдік қоғамдастық үшін қазіргі заманғы басты қауіптің бірі.

“Ауғанстан мен басқа да елдерде не болып жатқанын көріп отырмыз. Осыған байланысты айтыңызшы, терроризм, жалдамалылық, диверсия үшін өлім жазасын алып тастау арқылы мемлекетіміз бен азаматтарымыздың қорғанысын әлсіретіп жатқан жоқпыз ба?", -деп сұрады депутат Артур Платонов мәжілісте Қылмыстық кодекске өлім жазасы бойынша өзгерістер енгізу туралы заң жобасын талқылау кезінде.

Бас прокурордың орынбасары Әсет Шындалиевтің айтуынша, өлім жазасымен террористі тоқтату мүмкін емес.

"Теракт жасауға баратын террорист, ең алдымен, өз өмірін қатерге тігеді. Біз бәріміз мұны білеміз. Сондықтан тек қана өлім жазасымен террористі тоқтата алмаймыз", - деді ол.

Шындалиев Қазақстан лаңкестікпен күрес үшін кешенді шаралар қабылдап жатқанын атап өтті. Атап айтқанда, экстремизм мен терроризмге қарсы күрес бойынша арнайы бағдарлама қабылданды.

"Оның үстіне, сіз айтқан қылмыстар үшін бізде өмір бойы бас бостандығынан айыру жазасы бар. Бұл да ең ауыр жаза. Өйткені адам бүкіл өмірін темір торда өткізеді", - деді бас прокурордың орынбасары.

Айтуынша, өлім жазасы қылмыстың төмендеуіне немесе, керісінше, өсуіне әсер етеді деген пікір жоқ. Бұған түрлі зерттеулер дәлел.

"Бірақ біздің практикаға көз жүгіртсек, мысалы, біздің Қылмыстық кодексте кісі өлтіргені үшін өлім жазасы болғанда, мұндай қылмыстар екі, ал кейбір жағдайларда үш есе көп болған. Яғни елдегі қылмыстың жай-күйіне өлім жазасының бар-жоғы әсер етпейді", - деді Шындалиев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар