Жаңалықтар 21.10.2021 сағат 13:00

Тоқаев патриоттық бағыттағы TikTok жобасын құруды қолдады

Президент Instagram-дағы жобаларды да қолдайтынын жеткізді.
Тоқаев патриоттық бағыттағы TikTok жобасын құруды қолдады
Фото: Reuters
Бөлісу
Бөлісу
Бөлісу

Президент Қасым-Жомарт Тоқаев TikTok пен Instagram-дағы жобаларды қолдады, - деп хабарлайды Tengrinews.kz.

Қазақстан халқы Ассамблеясы кеңесінің отырысында Президент балалар бос уақыты көп болғандықтан қажетсіз нәрселерге алаңдайтынын, ал ата-ана мен мұғалімдер оларды әрдайым қадағалай алмайтынын мәлімдеді. Ол елімізде жаппай балалар спортын дамытуға, сондай-ақ балалар театрларын ашуға шақырды.

"Балалар арасында таланттар көп. Жезқазғанда балалардың домбырада ойнағанын көрдім, оларға қолдау көрсету керек. Сіздің "Біздің өлке тарихы" TikTok жобасына қатысты ұсынысыңызды қолдаймын. Бұл - жақсы жоба. Қазір жастар негізінен TikTok және Instagram-да отырады, бұл өмір шындығы. Осы шындыққа сәйкес, балаларымыздың көңіл-күйіне, мәдениетіне және тәрбиесіне оң әсер етейік", - деді Қасым-Жомарт Тоқаев отырыста.

TikTok жобасын құру идеясын Ақмола облысының поляк этномәдени бірлестігінің төрағасы Наталья Нагачевская ұсынды. Оның пікірінше, жоба "интернетті қажетті және пайдалы бағытқа бағыттауға" көмектеседі.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар