Жаңалықтар 22.10.2021 сағат 23:37

Алматы облысында жігітін қызғанған әйел ауыл тұрғынын сегіз жерден пышақтады

Күдікті уақытша изоляторға қамалды.
Алматы облысында жігітін қызғанған әйел ауыл тұрғынын сегіз жерден пышақтады
Фото: ашық дереккөзі
Бөлісу
Бөлісу
Бөлісу

Алматы облысында әйел бірге тұратын жігітін қызғанып, басқа әйелге 8 жерден пышақ салды, деп хабарлайды ҚазАқпарат.

Облыстық полиция департаментінің баспасөз қызметі атап өткендей, 22 қазан таңғы 04.30 кезінде Алматы қаласының қалалық клиникалық ауруханасынан Қарасай АПБ кезекші бөліміне хабар түскен.

Онда мас күйдегі 32 жастағы әйелдің пышақ жарақатымен ауруханаға жеткізілгені айтылған.

Жәбірленушінің тұрғылықты жеріне барған тергеу тобы оқиға болған жерді тексеріп, жалға алынған үйде отырыс болғанын анықтады.

Бірқатар жедел-іздестіру іс-шараларын өткізгеннен кейін Қарасай аудандық полиция бөлімінің жедел уәкілдері кафеде демалып жатқан жәбірленуші сол жерден өз үйіне бейтаныс жұпты алып келгенін, олармен бірге ішімдік ішкенін анықтады.

Тәртіп сақшылары солардың бірі жарақат салуы мүмкін деп болжаған.

Жүргізілген жұмыстың нәтижесінде полиция күдіктіні «ізін суытпай» ұстаған. Ол дәлелдемелер ұсынғаннан кейін қылмысты мойындап, ішімдік ішкеннен кейін жәбірленуші серігіне тиісе бастағандықтан қызғанышпен оны ас үй пышағымен бірнеше рет кеудесінен соққанын түсіндірген.

Қылмыс құралы - пышақ тәркіленді. Күдікті уақытша изоляторға қамалды. Аталған факт ҚР ҚК-нің 24-бабы 3-бөлігі; 99-бабы 1-бөлігі бойынша тіркелді.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар