Жаңалықтар 23.10.2021 сағат 00:15

Қарыздан құтылудың «ерекше» жолын ұсынған Құралай ханым күлкіге қалды

Желі қолданушылары "Халықты надан көрме", "Ғажайыпқа сену керек", "Масқара", "Енді соған сенетіндер бар ғой" деп түрлі пікір қалдырып жатыр.
Қарыздан құтылудың «ерекше» жолын ұсынған Құралай ханым күлкіге қалды
Фото: ашық дереккөзі
Бөлісу
Бөлісу
Бөлісу

Танымал психолог Құралай ханым әлеуметтік желіде қарыздан құтылудың ерекше тәсілімен бөлісті. Ол қағазға жазу әрі дене жаттығуын жасау арқылы несиені жабуға болатынын айтады, деп хабарлайды Express Qazaqstan.

Facebook желісінде пайда болған видеода Құралай ханым басында несиесі, мойнында қарызы барларға ақыл-кеңесін беріп жатыр. Онда ол адамға қарыз болсаң дене жаттығуын жасау арқылы құтылудың жолын айтады. Ал банкте несиесі барларға тіпті оңай тәсілді үйретеді.

"Келісім-шартты алып қарасаңыз, сіздің ай сайын қанша төлейтініңіз туралы жазылып тұрады. Сіз сол қағазды алып, артына "Рахмет, төленді" — деп толтырып жазып тастаңыз. Бірнеше бағанға толтырып соңына дейін жазып шығасыз. Белгілі бір мерзім өткенде ол міндетті түрде орындалады", — дейді Құралай ханым.

Ал желі қолданушылары "Халықты надан көрме", "Ғажайыпқа сену керек", "Масқара", "Енді соған сенетіндер бар ғой" деп түрлі пікір қалдырып жатыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар