$ 448.15  483.46  4.86

Харьков қаласында Абай ескерткіші ашылды

Триптихте Абаймен бірге Украинаның халық ақыны Григорий Сковорода және әзірбайжандық ағартушы және философ Мырза Фатали Ахундов бейнеленген.
Фото: ашық дереккөз
Фото: ашық дереккөз

Украинаның Харьков қаласында «Ойшылдар аллеясы» деп аталатын жаңа алаңда Абай ескерткіші ашылды. Ол триптих түрінде салынған. Бұл туралы Orda.kz Қазақстанның Украинадағы елшілігіне сілтеме жасап хабарлады.

Ескерткіштің авторы, Украинаның халық суретшісі Сейфутдин Гурбанов бұл жұмысты «Өмір ағашы» деп атады.

Триптихте Абаймен бірге Украинаның халық ақыны Григорий Сковорода және әзірбайжандық ағартушы және философ Мырза Фатали Ахундов бейнеленген.

Ескерткіштің жалпы биіктігі 4 метр.  Аллеяның ауданы 2543 шаршы метр.  Ол Харьковтың танымал демалыс аймағының көркем аймағында, субұрқақтар мен жасыл желектермен қоршалған.

Қазақстанның Украинадағы елшісі Дархан Кәлетаев өз сөзінде қалалық билікке жақсы бастамасы үшін алғыс айтып, триптих бауырлас халықтар арасындағы рухани байланыстарды одан әрі тереңдете түсетінін, олардың мәдениеті мен өнерінің кең танылуына, дамуы мен ынтымақтастығына ықпал ететінін атап өтті. Ескерткіш орнатудағы негізгі бастамашыларының бірі ретінде Қазақстанның Харьковтағы құрметті консулы Эмин Наджафлидің ерекше рөлі атап өтілді.

– Біз бұл ескерткішті украиндық бауырластарымыздың қазақ халқына, Қазақстанның тарихы мен руханиятына шексіз құрметі ретінде қабылдаймыз, – деді елші.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары