Жаңалықтар 28.10.2021 сағат 14:40

Психологпен сөйлескен соң: Алматыда Назарбаев Зияткерлік мектебінің оқушысы 11-қабаттан секіріп кетті

Алматы қаласы химия-биология бағытындағы Назарбаев Зияткерлік мектеп әкімшілігі болған жағдайды растады.
Психологпен сөйлескен соң: Алматыда Назарбаев Зияткерлік мектебінің оқушысы 11-қабаттан секіріп кетті
Фото: ашық дереккөз
Бөлісу
Бөлісу
Бөлісу

Әлеуметтік желідегі ақпарат бойынша, "Гарри Поттер" тақырыбындағы балға сегізінші сынып оқушысы әзіл ретінде белдемше киіп келеді. Оның бұл қылығы кураторға ұнамай, ашуын тудырады. Бұдан соң мұғалім оны ұрсып, психологқа сүйреп апарған. Маманмен сөйлескеннен кейін оқушы 11 қабаттан секіріп кеткен. 

Алматы қаласы химия-биология бағытындағы Назарбаев Зияткерлік мектеп әкімшілігі болған жағдайды растады. 

“27 қазан күні 8-сынып оқушысы оқудан тыс кезінде жазатайым жағдайға ұшырады. Қазіргі уақытта тергеу амалдары жүргізілуде. Кәмелетке толмаған баланың және басталған тергеудің мүддесі үшін мектеп  қосымша ақпаратты  бере алмайтынын хабарлайды”, – делінген хабарламада. 

Алматы полиция департаментінің мәліметінше, аталған факт ҚР ҚК 105-бабы (өз-өзіне қол жұмсауға жеткізу) бойынша сотқа дейінгі тергеп-тексерудің бірыңғай тізіліміне тіркелді. Оқиғаның себебі мен мән-жайы өндіріс барысында анықталады. Сот-медициналық сараптама тағайындалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар