Жаңалықтар 29.10.2021 сағат 17:20

Ұялы операторлар халық ақшасын қалай жеп жүр?

Цифрлық даму, инновациялар және аэроғарыш өнеркәсібі министрі Бағдат Мусиннің айтуынша, биыл 400-ден астам тексеру жасалды.
Ұялы операторлар халық ақшасын қалай жеп жүр?
Фото: ашық дереккөз
Бөлісу
Бөлісу
Бөлісу

Цифрлық даму, инновациялар және аэроғарыш өнеркәсібі министрі Бағдат Мусин ұялы операторлардың интернеттің жылдамдығын азайту арқылы ақшаны қалай үнемдейтінін айтты, деп хабарлайды Stan.kz ақпарат агенттігі. 

"Бұрын интернет сапасына қатысты сұрақтар көтерілгенде біз шара қолдана алмадық. Өйткені ең төменгі параметрлер белгіленбеді. Мен өз бұйрығыммен осы жылдың басында ең төменгі параметрлерді белгіледім. 3G үшін 1,5 Мегабит, ал 4G үшін кемінде 5 Мегабит болуы шарт. Енді тексеріс кезінде біз осы параметрлерді негізге алып отырамыз", - деді Мусин орталық коммуникациялар қызметінде өткен онлайн брифингте.

Министрдің айтуынша, биыл 400-ден астам тексеру жасалды. Соның 80 процентінде интернеттің ең төменгі параметрлерін бұзу фактілері анықталды. Сол үшін ұялы байланыс операторларына айыппұл салынды. Үш-төрт айдың ішінде интернеттің сапасы көтерілмесе, айыппұлдың көлемі екі есеге артады.

"Қазіргі кезде біз депутаттармен бірге айыппұлдың көлемін 100 АЕК-тен 1 000 АЕК-ке (5 917 000 теңге) дейін өсіріп жатырмыз. Бұл дегеніміз, биыл біз 400 тексерудің нәтижесінде 92 миллион теңгенің айыппұлын салсақ, он есеге өсіргеннен кейін бір жылда 1-2 миллиард теңгенің айыппұлы салынады. Бұл – өте қомақты сома. Сондықтан операторлар интернет сапасына көңіл бөледі деген сенім бар", - деп атап өтті Мусин.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар