Жаңалықтар 29.10.2021 сағат 17:00

Қарағандыда 13 жасар қызды зорлап, жүкті қылған имам қыз өзі келіскенін айтып арызданды

Жалған имам жәбірленушінің ата-анасымен сенімді қарым-қатынаста болып, ересектердің жоқтығын пайдаланып, бірнеше рет 13 жасар қызды зорлаған.
Қарағандыда 13 жасар қызды зорлап, жүкті қылған имам қыз өзі келіскенін айтып арызданды
Фото: ашық дереккөз
Бөлісу
Бөлісу
Бөлісу

Қарағанды облыстық сотының апелляция алқасы кәмелетке толмаған қыз баланы зорлағаны үшін сотталған ер адамның жазасын өзгеріссіз қалдырды. Ол өңірдегі кенттердің бірінде өзін имам ретінде таныстырып, бірнеше рет 13 жасар жасөспірім қызбен қатынасқа түскені үшін 20 жылға сотталған болатын, деп хабарлайды «Jambyl-Taraz» ақпарат агенттігі KZNEWS агенттігіне сілтеме жасап.   

Естеріңізге сала кетейік, биыл қаңтар айында полиция Қарағанды облысы кенттерінің бірінде өзін имаммын деп таныстырған ер адамды ұстады.

Жалған имам жәбірленушінің ата-анасымен сенімді қарым-қатынаста болып, ересектердің жоқтығын пайдаланып, бірнеше рет 13 жасар қызды зорлаған. Нәтижесінже қыз бала жүкті болып қалған.

Тергеу кезінде қаскүнемнің кінәсі дәлелденіп, ҚР ҚК 120-бабы 4-бөлігі бойынша 20 жылға бас бостандығынан айырылды. Алайда сотталушы қыз бала онымен өз еркімен байланысқа түскенін айтып, апелляциялық шағым жазған.

«Сотталғанның кінәсі сотта зерттелген дәлелдемелермен, оның ішінде жәбірленушінің, оның заңды өкілінің, куәлардың айғақтарымен, сараптама қорытындыларымен және басқа іс материалдарымен толық дәлелденген. Сотталғанға негізгі және қосымша жаза оның жасаған іс-әрекетіне байланысты заңда көрсетілген шекте, қылмыстың сипаты мен қоғамға қауіп дәрежесі, жеке басы, жәбірленушінің пікірі ескеріліп дұрыс тағайындалған. Тағайындалған жазаның мөлшерін азайтуға, сотталғанның әрекеттерін қылмыстық заңның басқа бабымен қайта саралауға сот алқасы негіз анықтамады. Үкім заңды күшіне енді», – деп мәлімдеді Қарағанды облыстық сотының баспасөз қызметі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар