Жаңалықтар 02.11.2021 сағат 16:40

Өскеменде бірнеше күн көмір кезегінде тұрған ер адам өзін өртемек болды

Соңынан анықталғандай, ол – Ұлан ауданының тұрғыны. Бірнеше күн көмір кезегінде тұрған.
Өскеменде бірнеше күн көмір кезегінде тұрған ер адам өзін өртемек болды
Фото: paryz.kz
Бөлісу
Бөлісу
Бөлісу

Өскемен қаласында бірнеше күн көмір кезегінде тұрған ер адам өзін-өзі өртеп жібермек болды деп хабарлайды Paryz.kz. 

Қалалық Полиция басқармасы баспасөз қызметі оқиға шаһардың сол жағалауында орналасқан теміржол тұйығында болғанын айтты.

«Полицияға қоңырау шалған азамат көмір кезегінде тұрған жүргізушілердің бірі көлік жолын жауып тастап, өзін-өзі өртеп жіберетіндігін айтып, қорқытқаны туралы жеткізді. Сол жерге жеткен тәртіп сақшылары қолына канистр ұстаған ер адамды көрген», - делінген хабарламада.

Соңынан анықталғандай, ол – Ұлан ауданының тұрғыны. Бірнеше күн көмір кезегінде тұрған.

«Полицейлер ер адамнан канистрді тартып алып, сабырға шақырды. Жергілікті атқарушы орган өкілдері мен сатушы компания оған көмірді кезексіз беру жайлы ұсыныс жасады. Кезекте тұрған басқа азаматтар бұған қарсы болған жоқ», - делінген ақпаратта.

Сондай-ақ жолды жауып, басқа көліктердің жүруіне кедергі келтіргені үшін Ұлан ауданының тұрғынына 10 АЕК (1 АЕК – 2917 теңге) көлемінде айыппұл салынды.

Бұған дейін Алматы облысы Кербұлақ ауданы Сарыөзек ауылында көмір кезегінде тұрған әйел жүк тиегіштің көтергішіне мініп алған еді. 

Кербұлақ ауданының әкімдігі бұл жағдайға қатысты түсінік беріп, интернетте тараған видеоны араңдатушылық деп атады. Сондай-ақ ауданда көмір тапшылығы жоқтығын мәлім етті.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар