Ақмола облысында тағы бір жарылыс болып, бір адам қаза тапты

Целиноград ауданы, Қызылсуат ауылында газ-ауа қоспасы жарылды. Жарылыс бүгін түскі сағат 12:00 шамасында болды, деп хабарлайды Express Qazaqstan.

Жарылыс салдарынан 73 жастағы ер адам көз жұмды, — деп мәлімдеді Ақмола облысы ТЖД-нің баспасөз қызметі.

Ер адам үй аумағындағы автономды газбен жылыту орнатылған сұйылтылған газ жиналатын алып баллонды ашқан. Өрттің шығу себептері анықталып жатыр. Сот-медициналық сараптама тағайындалды.

Облыстық Төтенше жағдай департаменті тұрғындарды қауіпсіздік шараларын сақтауға шақырады.