Жаңалықтар 10.11.2021 сағат 17:40

Оралда көлігі Ресейде тіркелген жүргізушілер наразылыққа шықты

Алаңға 50-ге жуық адам жиналған.
Оралда көлігі Ресейде тіркелген жүргізушілер наразылыққа шықты
Фото: Tengrinews.kz
Бөлісу
Бөлісу
Бөлісу

Оралда ресейлік тіркеудегі көлігі бар жүргізушілер Абай алаңына жиналды, - деп хабарлайды Tengrinews.kz.

Жергілікті билік бейбіт жиындар алдын ала ескертілгеннен кейін өтуі керек екенін түсіндірді.

БҚО және қала әкімдіктері маңындағы алаңға 50-ге жуық адам жиналған. Халықпен кездесуге БҚО және Орал қалалары әкімдігіне қарасты басқарма мен Ішкі саясат бөлімі өкілдері шықты. Жүргізушілерге бейбіт жиындарды өткізу тәртібі түсіндірілді. Кейін жұртшылық Орал қаласы әкімдігінің үлкен залына шақырылды.

Тәртіп сақшылары мәліметінше, жол-көлік оқиғаларының жартысына жуығын шетелде тіркелген көлік жүргізушілері жасаған.

"Биылғы 10 айда шетелде тіркелген көлік жүргізушілері 89 жол-көлік оқиғасын жасап, оның салдарынан 32 адам қаза тауып, тағы 122-сі жарақат алған. 1400 жол-көлік оқиғасы залал келтірген", - деді БҚО ІІД Жергілікті полиция қызметінің басшысы Мерхат Әженов.

Бұған дейін Қазақстанда Ресейде тіркелген немесе елімізде тіркелмеген көліктерді жаппай тексеру басталғаны хабарланған еді. Мұндай көліктер саны 88 мың болса, оның 9 мыңы БҚО-да. БҚО полицейлері тексеру басталғаннан бері тұраққа 39 көлік алынғанын, оның 21-і айыппұл төленгеннен кейін иесіне қайтарылғанын қосты. Бірақ мұндай көліктерді полицияға тіркеу керек.

Еске салайық, қазір ресейлік тіркеудегі көліктер құқық қорғау органдарының жіті бақылауында. Қазақстан Республикасының Ішкі істер министрлігі Ресей Федерациясынан әкелінген 88 мың автокөлікке қатысты жағдай Ресей Федерациясынан көлік сатып алған, бірақ оларға құқықты заңдастырмаған қазақстандықтардың әрекетінен туындағанын баса айтты.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар