Жаңалықтар 11.11.2021 сағат 16:40

Қуат Хамитов соттың шығарған шешімінен құтылып кетті

Қуат Хамитов тұрақты жұмысының болмауына байланысты 100 сағат мәжбүрлі еңбек етуі тиіс болған.
Қуат Хамитов соттың шығарған шешімінен құтылып кетті
Фото: stan.kz
Бөлісу
Бөлісу
Бөлісу

Қазақстандық файтер қаңтар айында сот тағайындаған 100 сағат мәжбүрлі еңбектен құтылып кетті. Ол тұрақты жұмыс орынан анықтама тапсырған, деп хабарлайды Stan.kz. 

Алмалы аудандық сотының 2021 жыл 28 қаңтарындағы қаулысына сәйкес Қуат Хамитов тұрақты жұмысының болмауына байланысты 100 сағат мәжбүрлі еңбек етуі тиіс болған. Күнделікті 4 сағат жұмыс істеуге міндеттелген спортшы тұрақты жұмыс орнынан анықтама көрсету арқылы бұл жазадан босатылған. 

ІІМ қылмыстық-атқару жүйесі комитетінде мәлімдегендей осы жылдың ақпан айынан бастап Хамитов Алматы қаласы мен Алмалы аудандық пробациялық қызметінде тіркеуде тұрған.

"Қылмыстық кодекстің 44-бабы, 1-бөліміне сәйкес тұрақты жұмысы бар немесе оқу орнында оқитын айыпталушы мәжбүрлі еңбекке тартылмайды. Хамитов Қ.Т. ресми түрде жұмыс істейтін орнынан анықтама және еңбек шартын тапсырғандықтан мәжбүрлі еңбектен босатылды", - деп хабарлады комитеттегілер. 

Қылмыстық-атқару жүйесі комитеті айтып өткендей Қуат Хамитов бас бостандығынан шектеу мерзімінде ереже бұзбаған. 

Еске салайық, спортшы дизенфекторларды ұрып, тікұшақтарға оқ атуға шақырғаннан кейін жарты жылға бас бостандығы шектелген болатын. 

"Жазаны өтеу кезінде Хамитов Қазақстан Республикасы аумағынан шықпады және пробациялық бақылау ережелерін бұзбады. 2021 жылдың 19 тамызында жазасының өтелуіне байланысты Алматы пробациялық қызметі тіркеуінен алынып тасталды", - деп қосты қылмыстық-атқару жүйесі комитетінде.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар