Жаңалықтар 29.11.2021 сағат 10:40

Министр Атамқұлов үй бағасына қатысты болжам жасады

Министрдің болжамынша тұрғын үй бағасы келесі жылы тұрақталады.
Министр Атамқұлов үй бағасына қатысты болжам жасады
Фото: ашық дереккөзі
Бөлісу
Бөлісу
Бөлісу

Индустрия және инфрақұрылымдық даму министрі Қазақстанда тұрғын үй бағасы қашан тұрақталатынын болжады, деп хабарлады "Хабар 24".

Министр құрылыс материалдарын шығаратын жаңа кәсіпорындар ашылатынын айтты. Қазір осы бағытта министрлікте бірқатар жоба қарастырылып жатыр. Бейбіт Атамқұловтың пайымынша жаңа өндірістер баспана бағасының шарықтауын тоқтатады.  

"Елімізде өндірілетін бірқатар материалдың тізбегі жасақталды. Бүгінде 35 жобаны жүзеге асыру жоспарланып отыр. Жаңа өндірістер. Бірінші кезекте сан-фаянс пен өзге де керамика шығарамыз. Бүгінде керамика өндіретін 3 зауыт жұмыс істейді", - деді Атамқұлов "Национальный интерес" бағдарламасына берген сұхбатында.

Алайда, оның айтуынша, өндіріс көлемі аз. Министрлік тағы 3 кәсіпорынды іске қосып, елімізді керамикалық материалмен 100 процент қамтамасыз етуды жоспарлап отыр.

Министрдің болжамынша тұрғын үй бағасы келесі жылы тұрақталады.

"Менің болжамымша баға бір қалыпқа келеді. Қазір сұраныс болған соң құрылыс компаниялары үйді салып жатыр", - деп  түйіндеді Бейбіт Атамқұлов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар