Жаңалықтар 05.12.2021 сағат 20:29

Алматы облысында иесі итін тірідей өртеп жіберген

Ит тірі, қазір үй жануарларына арналған орталықта.
Алматы облысында иесі итін тірідей өртеп жіберген
Фото: ашық дереккөз
Бөлісу
Бөлісу
Бөлісу

Алматы облысында 43 жастағы ер азаматтың итіне жанғыш сұйықтық құйып, өртеп жіберген видеосы әлеуметтік желіде тарады, деп хабарлайды Stan.kz ақпарат агенттігі. 

Желіде таралған видео қоғам наразылығын тудырды. Бейнежазбаға облыстық полицейлер пікір білдірді. Ведомствоның хабарлауынша, бұл оқиға 4 желтоқсанда Қарасай ауданы Қырғауылды ауылында болған.

"Видеодағы ер адамның кім екені қазір анықталды. Ол 43 жастағы жергілікті тұрғын болып шықты. Ол осылайша итін жазалмақ болған. Ит тірі, қазір үй жануарларына арналған орталықта", – деп хабарлады Алматы облысының полиция департаментінің өкілдері.

Аталған факті бойынша Қылмыстық кодекстің 316-бабы (“Жануарларға қатыгездік көрсету”) бойынша тергеу басталып, іс жүргізілуде.

Жергілікті еріктілер жарақат алған иттің жағдайы туралы да хабарлады.

"Иттің түгі күйіп кеткен. Денесі, басы, беті, шырышты қабаттары күйген. Дәрігерлер иттің күйік ауруына шалдығуы мүмкін екенін айтады. Қазір станционарға алып кетті", – делінген желідегі жазбада. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар