Жаңалықтар 10.12.2021 сағат 22:43

Тоқаев Түркияның Әділет және даму партиясы төрағасының орынбасарын қабылдады

Кездесуде қазақ-түрік стратегиялық әріптестігінің қазіргі жағдайы мен перспективалары, саяси, экономикалық және мәдени-гуманитарлық қарым-қатынас мәселелері талқыланды.
Тоқаев Түркияның Әділет және даму партиясы төрағасының орынбасарын қабылдады
Фото: akorda.kz
Бөлісу
Бөлісу
Бөлісу

Кездесуде қазақ-түрік стратегиялық әріптестігінің қазіргі жағдайы мен перспективалары, саяси, экономикалық және мәдени-гуманитарлық қарым-қатынас мәселелері талқыланды.

Қазақстан Президенті жуырда Түркі мемлекеттері ұйымы Ақсақалдар кеңесінің төрағасы болып сайланған Бинали Йылдырымды қабылдады, деп хабарлайды Zakon.kz.

Бинали Йылдырым қабылдағаны үшін Қасым-Жомарт Тоқаевқа алғыс айтып, Президентті және Қазақстан халқын ел Тәуелсіздігінің 30 жылдығымен құттықтады. Сонымен қатар екіжақты стратегиялық серіктестікті одан әрі нығайту үшін Түркия Республикасының Президенті Режеп Тайып Ердоғанның Мемлекет басшысы Қасым-Жомарт Тоқаевты келесі жылы Анкараға ресми сапармен келуге шақырған сәлемін жеткізді, делінген Ақорда хабарламасында.

Кездесуде қазақ-түрік стратегиялық әріптестігінің қазіргі жағдайы мен перспективалары, саяси, экономикалық және мәдени-гуманитарлық қарым-қатынас мәселелері талқыланды.

Қасым-Жомарт Тоқаев жоғары деңгейдегі саяси диалогтың арта түскенін, сондай-ақ мемлекеттер арасындағы сауда-экономикалық және мәдени-гуманитарлық байланыстардың қарқынды дамып келе жатқанын атап өтті.

Қазақстан Президенті биыл қараша айында Ыстанбұлда өткен Түркі мемлекеттері ұйымының тарихи саммитінің қорытындысы бойынша қабылданған шешімдердің маңыздылығына мән беріп, Бинали Йылдырымды осы Ұйымның Ақсақалдар кеңесінің төрағасы лауазымына тағайындалуымен құттықтады.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар