Қоңқабаев британдықты жеңіп, чемпион атанды

Алматыда өткен MTK Kazakhstan бокс кешінде қазақстандық боксшы Қамшыбек Қоңқабаев британдық Стивен Уордпен жекпе-жекке шықты деп хабарлайды Paryz.kz.

Sports.kz-тің жазуынша, Крузервейт дәрежесіндегі жекпе-жек бәсіне WBA Gold титулы тігілген.  

Қонқабаев пен Уордтың жекпе-жегі 12 раундқа есептелген, бірақ Қамшыбек мерзімінен бұрын жеңіске жетті. Жетінші раундта төреші британдықтың қатты жарақат алуына байланысты жекпе-жекті тоқтатты. Бесінші раундта Уордтың нокдауны тіркелген еді.

Осылайша, Қонқабаев профи-рингтегі төртінші айқаста жеңіске жеңіп, WBA Gold белбеуінің иегері атанды, ал Стивен Уорд үшін бұл - мансабындағы екінші жеңіліс.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.