Жаңалықтар 12.12.2021 сағат 23:26

Кейбір қызметкерлердің зейнет жасы төмендетілуі мүмкін

Сонымен қатар олар басқа өңірге көшкен жағдайда жеңілдіктер қарастырылады
Кейбір қызметкерлердің зейнет жасы төмендетілуі мүмкін
Бөлісу
Бөлісу
Бөлісу

Құтқарушылардың зейнет жасы төмендетілуі мүмкін. Бұл туралы премьер-министр Асқар Маминнің Қазақстан халық партиясының депутаттық сауалына берген жауабында айтылған, деп жазады sputnik.kz.

Төтенше жағдайлар министрлігі "Қазақстан Республикасының кейбір заңнамалық актілеріне азаматтық қорғау мәселелері бойынша өзгерістер мен толықтырулар енгізу туралы" заң жобасын әзірлеп жатыр, оның аясында мына мәселелер пысықталуда:  

азаматтық қорғау органдарының қызметкерлеріне тұрғын үй төлемін, сондай-ақ әскери іс-қимылдарға жақын жағдайларда жұмыс істегені үшін үстемеақы төлеу;
құтқарушыларды азаматтық қорғау органдарының арнаулы атақтар берілген қызметкерлері санатына ауыстыру арқылы олардың зейнет жасын төмендету;
азаматтық қорғау органдарының қызметкерлеріне қызмет бабына байланысты басқа елді мекенге қоныс аударған жағдайда көтерме жәрдемақы төлеу, өз мүлкін тасымалдау шығынын өтеу.

"Тұтастай алғанда азаматтық қорғау органдарының қызметкерлері мен құтқарушыларын әлеуметтік қорғауды жақсарту мәселелері бюджеттің кіріс бөлігінің мүмкіндіктері басшылыққа алына отырып, елдегі әлеуметтік-экономикалық жағдай ескеріле отырып қаралады және уәкілетті орган мен үкіметтің тұрақты бақылауында болады", - делінген хабарламада.

Құжаттың толық мәтінімен мына жерде танысуға болады.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар