«Отбасы банкіндегі» депозитке аударылған зейнетақыны 3 жыл ішінде пайдалану керек

«Отбасы банкіндегі» салым белгіленген мерзімде және тек тұрғын үй несиесін алуға жұмсалуы керек.

Есепшотты ақшаны сақтау үшін ғана пайдалануға болмайды. Бұл ретте «Отбасы Банкінің» негізгі бағдарламаларында мынадай талап бар: қалаған баспана құнының кем дегенде 50 пайызын жинақтау қажет.

Бұл несие үшін қажетті сома жиналғанша шотты жүйелі түрде толтыру қажет дегенді білдіреді.

Мысалы, зейнетақы жинақтарының артығы 1 млн. теңге. Бұл сома «Отбасы банкіндегі» депозитке аударылады және үнемі толықтырылып отырады. Тұрғын үй құнының қажетті 50% жинау үшін үш жыл бар – осы уақыт ішінде несие алу керек.

Бұған дейін ҚР Индустрия және инфрақұрылымдық даму министрінің бұйрыққа қол қойғаны туралы хабарлаған болатын, онда – қазақстандықтардың артық зейнетақы жинақтарын «Отбасы банкіндегі» депозитке аудару мүмкіндігі болды делінген.

 «Отбасы банкі» 16 желтоқсаннан бастап депозиттерді толықтыруға дайын екенін айтты. Сонымен қатар, БЖЗҚ-да жеткіліктілік шектерінің қолданылу мерзімі 2022 жылдың 1 сәуіріне дейін ұзартылатыны да хабарланды.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.