Жаңалықтар 15.12.2021 сағат 12:20

Pfizer вакцинасының екі дозасы омикронға қарсы 70 пайызға тиімді - ғалымдар

Ғалымдар бұл көрсеткіш барлық жас тобы үшін бірдей екенін айтты.
Pfizer вакцинасының екі дозасы омикронға қарсы 70 пайызға тиімді - ғалымдар
Фото: ашық дерекөз
Бөлісу
Бөлісу
Бөлісу

Зерттеу нәтижелері Pfizer/BioNTech вакцинасының екі дозасы омикрон штамының ауыр жағдайларына қарсы 70 пайызға тиімді екенін көрсетті, - деп хабарлайды Tengrinews.kz.

"Pfizer/BioNTech препаратының екі дозасы ауруханаға жатқызуды қажет ететін COVID-19-дың ауыр дәрежесінен 70 пайыз қорғайды, сондай-ақ, омикрон штамын жұқтырудан 33 пайыз қорғай алады", - делінген Оңтүстік Африканың Discovery Health медициналық сақтандыру компаниясы ғалымдарының зерттеуінде.

Ғалымдар бұл көрсеткіш барлық жас тобы үшін бірдей екенін айтты.

Бұған дейін Оңтүстік Африка ғалымдары омикрон штамына қарсы Pfizer вакцинасының екі дозасы 22,5 пайыз тиімді екенін мәлімдеген еді.

Еске салайық, Қазақстанда Pfizer вакцинасы 12-18 жас аралығындағы жасөспірімдерге, сондай-ақ, жүкті және бала емізетін әйелдерге қолжетімді. Бұған дейін денсаулық сақтау министрі Алексей Цой қазақстандықтар қалауы бойынша ақылы түрде Pfizer вакцинасының екі дозасын ала алатынын айтқан болатын. Алайда ол ДДСҰ ұсынысы бойынша вакцина алған азаматтарға бір дозасы да жеткілікті екенін мәлімдеді.

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар